Memli Krasniqi fton qytetarët për protestën kundër Speciales: Të mos rishkruhet historia jonë

16:54 | 6 Gusht 2025
E.H

Kryetari i PDK-së, Memli Krasniqi u ka bërë thirrje qytetarëve që të marrin pjesë nesër në protestën kundër padrejtësive të Gjykatës Speciale.

Me anë të një postimi në Facebook, Krasniqi tha se me 7 gusht le të jehojë zëri i secilit që nuk pranon që lufta për liri të njolloset, që historia jonë të rishkruhet padrejtësisht, e që drejtësia të kthehet në padrejtësi.

“Nesër, më 7 gusht, në ora 17:00, mblidhemi të gjithë në sheshin “Skënderbeu” – në një protestë që nuk është thjesht reagim, por një akt ndërgjegjeje kombëtare. Le të jehojë zëri i secilit që nuk pranon që lufta për liri të njolloset, që historia jonë të rishkruhet padrejtësisht, e që drejtësia të kthehet në padrejtësi. Me çlirimtarët. Për drejtësi. Për Kosovën”, ka shkruar Krasniqi./Arbresh.info